చదువు

చదువు కోవాలి పైకి ఎదగాలి పిల్లలు
ఈభువిలో విరబూసిన మరుమల్లెలు
అమ్మ వడిలో "  వుంగా " చదువు 
స్నానమాడి " కేరింతల" చదువు 
పాలు తాగుతూ "ఊసుల" చదువు
అమ్మేరా మన  తొలి " గురువు "

నాన్న తో "నడిచి" నేర్చిన చదువు 
"నమశివాయ" ని రాసిన చదువు
పలకపై "సున్నా" గీసిన చదువు 
నాన్నేరా మన "మలి గురువు"

పలకా బలపం పట్టుకుని 
గురువు చెప్పేది నేర్చుకుని 
బడినే గుడిగా మలచుకుని 
ప్రతి తరగతిని దాటుకుని 
నిన్ను నడిపేది గురువేరా
భవితను చూపే దేముడురా 

భగవంతుని  ప్రార్ధించాలి 
భాద్యతగా నువు నడవాలి 
అందరికీ దారిని చూపే 
ఆధ్యుడు నువ్వే కావాలి 

తల్లి తండ్రి గురువు దైవం 
అది మరిచినచో బ్రతుకే శూన్యం
తెలుసుకోవాలి బాలలు 
కలసి నడవాలి అందరూ ...