భారతదేశపు ఆశా జ్యోతులు

పిల్లల మాటలు ఎంతో అందం 

పిల్లల పాటలు మకరందం 

పిల్లల నడకలు నడతలు అందం 

పిల్లలే ఇంటికి ఆనందం 

అల్లరి అయినా అందమే 

ఆటలు అయినా అందమే 

పరుగులు పెడుతూ వెనక్కి చూసి 

పడిలేచిన ఆనందమే 

పుస్తకాలతో కుస్తీ పడుతూ 

అంకెలు అన్నీ బట్టి పడుతూ 

పలక బలపం పట్టె పిల్లలు 

భావితరానికి విరిసిన మల్లెలు 

అమ్మ చెప్పేటి ఊసులు వింటూ 

నాన్నతో నడిచి మాటలు అంటూ

గారాబంగా మారాము చేస్తూ 

రేపటి రోజుకు బాటలు వేస్తూ 

ఎదిగే పిల్లలు రేపటి పౌరులు 

భారతదేశపు ఆశా జ్యోతులు