చుక్కలలోకం

రెక్కలు వుంటే చుక్కల లోకం
చూసి వస్తాను.
మక్కువతోటి చందమామ తో
స్నేహం చేస్తాను
చల్లని వెన్నెల పిల్లల కోసం
తీసుకు వస్తాను
ఇంద్ర ధనస్సును భూమికి రమ్మని
ఆహ్వానిస్తాను
చల్లని ఆ నీలి మబ్బుని మచ్చిక

చేస్తాను
అవసరానికి నీరమ్మంటు
చెప్పే సోస్తాను
తారకలిచ్చే బహుమతులన్నీ
పిల్లల కిస్తాను
పిల్లలు ఇచ్చే తియ్యని ముద్దులు
ఆస్వాదిస్తాను 

....వానలు ...

వాన 

చక చక సాగే నీలి మబ్బులు.

టప టప కురిసే వాన చినుకులు.
ఘుమ ఘుమ లాడే మట్టి వాసనలు.
బిర బిర సాగే పిల్ల కాలువలు.
ఆహా ఎంత హాయి....
మన పల్లె లో నోయి ....
వానలు కురిసాయి.
చక్కని పంటలు పండాయి 
చెరువులు దరువులు నిండాయి
మొక్కలు  ఏపుగ పెరిగాయి..
చల్లని వాతావరణం లో
పిల్లల ఆటల పాటలతో 
సంతోషాలు సంబరాలతో 
పండుగ వచ్చింది 
పల్లెకు అందం తెచ్చింది.

చదువు

చదువు కోవాలి పైకి ఎదగాలి పిల్లలు
ఈభువిలో విరబూసిన మరుమల్లెలు
అమ్మ వడిలో "  వుంగా " చదువు 
స్నానమాడి " కేరింతల" చదువు 
పాలు తాగుతూ "ఊసుల" చదువు
అమ్మేరా మన  తొలి " గురువు "

నాన్న తో "నడిచి" నేర్చిన చదువు 
"నమశివాయ" ని రాసిన చదువు
పలకపై "సున్నా" గీసిన చదువు 
నాన్నేరా మన "మలి గురువు"

పలకా బలపం పట్టుకుని 
గురువు చెప్పేది నేర్చుకుని 
బడినే గుడిగా మలచుకుని 
ప్రతి తరగతిని దాటుకుని 
నిన్ను నడిపేది గురువేరా
భవితను చూపే దేముడురా 

భగవంతుని  ప్రార్ధించాలి 
భాద్యతగా నువు నడవాలి 
అందరికీ దారిని చూపే 
ఆధ్యుడు నువ్వే కావాలి 

తల్లి తండ్రి గురువు దైవం 
అది మరిచినచో బ్రతుకే శూన్యం
తెలుసుకోవాలి బాలలు 
కలసి నడవాలి అందరూ ...