చుక్కల లేడి.

చుక్కల లేడి చక్కగ వుంది.

చెంగు చెంగున గెంతుచున్నది.

అడవి అంతా తనదేనంది

ఏ జంతువుకు బయపడనంది.

లేడి గెంతులు చూసిన నక్క
నక్కి చూసింది ఓ ప్రక్క
వేసింది పక్కా ప్రణాళిక
రెచ్చగొట్టింది పులినింక.

రెండూకలిపి మాటువేసెను
ఒక్కసారిగ దాడి చేసెను
ప్రమాదాన్ని గమనించినలేడి
పరుగులో పెంచింది వాడి.

ఆనాటి దాడి తప్పిన లేడి
అప్రమత్తతను పెంచింది
నాటినుండి నేటివరకు
బెదురుతోనె జీవిస్తోంది.